Нұрдәулетов: «Мақтаарал» мен «Ақтөбе» арасында үлкен айырмашылық көрмедім
![Нұрдәулетов: «Мақтаарал» мен «Ақтөбе» арасында үлкен айырмашылық көрмедім](https://prosports.kz/upload/news/content//202307/201736_7e804cb30496aab8f5b2efdd402cf0f8.jpg?v=28670021)
«Мақтааралдың» бас бапкері Қайрат Нұрдәулетов Қазақстан чемпионатының 14-туры аясында өткен «Ақтөбеге» (1:2) қарсы матч туралы ойын айтты, деп хабарлайды Prosports.kz.
– Қиын ойын болды. Бірақ чемпиондыққа таласып жатқан «Ақтөбе» мен «Мақтаарал» арасында үлкен айырмашылық байқамадым. Голдарды өз қателіктерімізден жіберіп алдық. Бірақ жалпы алғанда ойын маған ұнады. Ойыншыларға: «Ештеңе етпейді, осы ойынымызды жоғалтпауымыз керек» дедім. Қателерімізді түзетсек, бәрі жақсы болады деп ойлаймын.
– Мәжбүрлі аусым ойын тағдырына әсер етті ме?
- Иә, әрине. Осыған байланысты бастапқы жоспардан ауытқуға тура келеді. Бізде 65-минутта ана ойыншыны, 70-минутта мына ойыншыны шығарамыз дегендей жоспар болған. Бірақ ол жоспарымызды өзгертуге тура келді.