UFC Vegas 76 турнирінде бонус алған файтерлер белгілі болды

2 шілдеге қараған түні Лас-Вегастағы (АҚШ) UFC Apex аренада UFC Vegas 76 турнирі өтті, деп хабарлайды Prosports.kz.

Турнирдің басты жекпе-жегінде АҚШ өкілі Шон Стрикленд ресейлік Абусупьян Магомедовті екінші раундта техникалық нокаутпен жеңді.

Турнир қорытындысы бойынша кімдердің 50 000 доллар көлеміндегі бонус алғаны белгілі болды.

Кештің ең үздік жекпе-жегі жүлдесін швед-грузиялық файтер Гурам Кутателадзе мен бразилиялық Элвис Бреннер алды. Бұл кездесуде Бреннер техникалық нокаутпен жеңіске жетті.

Кеште үздік өнер көрсеткені үшін бонус алғандар: Магомедовті техникалық нокаутпен жеңген Стрикленд және бразилиялық Бруно Феррейраны нокаутқа түсірген өзбекстандық Нурсултан Рузибоев.