ПСЖ-ның жаңа бас бапкерінің есімі белгілі болды

Испаниялық маман Луис Энрике «ПСЖ-ның» тізгінін ұстайды, деп хабарлайды Prosports.kz.

Бұл туралы инсайдер Фабрицио Романо жазды.

Дереккөз мәліметінше, 53 жастағы маман таяу арада 2 жылдық келісімшартқа қол қойды. Париждіктер Кристоф Гальтьемен келісімшартты бұзған соң жаңа бапкерін таныстырады.

«ПСЖ» өткен маусымда 85 ұпаймен Франция чемпионы атанған. Ал Чемпиондар лигасының 1/8 финалында «Баварияға» (0:1; 0:2) жол берген еді.