«Қазақстан барысы» қоры үкіметтен бөлінген 1 млрд теңгеге қатысты мәлімдеме жасады

«Қазақстан барысы» республикалық турнирін өткізуге бөлінген қаржының қаншалықты заңды жұмсалғаны тексеріліп жатыр.

«Қаржы мониторингі агенттігінің тексеруі туралы естідік. Аталған тексеріс 2011-2019 жылдар аралығында өткен «Қазақстан барысы» турниріне қатысты жүріп жатыр. Ол бойынша біз жауап бере алмаймыз, құзыретімізге жатпайды.

Ал біз өз қызметімізді 2019 жылдан бастадық, қайта құрылдық. Осы күнге дейін үш үлкен турнир өткіздік. Екі рет «Қазақстан барысы» және бір рет «Тұран» Азия чемпионаты. Яғни ол жылдары қорда басқа адамдар жұмыс істеді, сондықтан біз жауап бере алмаймыз», - деп келтіреді «Қазақстан барысы» қорының ресми өкілі Диас Ахметшәріптің сөзін ҚазАқпарат.