Махаббат Үмітжанова жекелей сайыста Қазақстан Спартакиадасының жеңімпазы атанды
![Махаббат Үмітжанова жекелей сайыста Қазақстан Спартакиадасының жеңімпазы атанды](https://prosports.kz/upload/news/content//202306/201131_d4529729605d17647bb6d6bc992ad2f2.jpg?v=28669747)
Талдықорған қаласында тас жолдағы велоспорттан ҚР VI жазғы Спартакиадасының екінші жарыс күні өтті.
Әйелдер 25 шақырым қашықтықта сынға түсіп, 36 минут 3 секунд уақыт көрсеткен Махаббат Үмітжановаға (СҚО) тең келер ешкім болмады. Күміс және қола жүлдені Жетісу облысының спортшылары Виолетта Казакова (0:37:11) мен Ақпейіл Өсім (0:37:21) иеленді.
Енді «элита» санатының өкілдері топтық жарыстың жүлделері үшін таласқа түседі. 24 маусымда әйелдер 105 шақырым, ал ертесіне ерлер 164 шақырымда өзара мықтыларды анықтайды.