Қазақстан тумасы «Сочиге» ауысты

Чехиялық оң қапталдағы қорғаушы Юрий Медведев Сочи командасына еркін агент ретінде ауысты, деп хабарлайды Prosports.kz сайты.

Соңғы бес жылда 27 жастағы Медведев «Слован» сапында ойнап, бес дүркін Словакия чемпионы және екі дүркін ел кубогының иегері атанды.

Өткен маусымда Медведев 40 кездесу өткізіп, 1 гол соғып, 4 нәтижелі пас берді.

Еске салайық, Медведев Ақтөбе облысы, Бадамша ауылында дүниеге келген, бірақ жастайынан отбасымен Чехияға қоныс аударған.