ФОТО. Криштиану Роналдудың жанкүйерінің ең үлкен арманы орындалды

Еуро-2024 іріктеу турнирінің 3-ші турында өткен Португалия - Босния матчы (3:0) кезінде жанкүйер алаңға жүгіріп шықты, деп хабарлайды Prosports.kz.

Екінші таймда Португалия туын ұстаған жанкүйер шабуылшы Криштиану Роналдуға жүгіріп келіп, оны құшақтап алды, содан кейін ойыншының алдына тізерлеп құлап, тағзым етті. Орнынан тұрған жанкүйер Роналдуды тағы да құшақтап, жоғары көтерді.

Айта кетейік, J тобында Португалия 9 ұпаймен көш бастап тұр, Босния және Герцеговина құрамасы төртінші орында (3 ұпай).