«Лестер» жаңа бас бапкер тағайындалғанын жариялады

«Лестер» ресми сайтында Энцо Маресканың бас бапкер болып тағайындалғанын жариялады, деп хабарлайды Prosports.kz.

Тараптар 3 жылға келісімшартқа отырды.

Бұған дейін Мареска «Парма» және «Манчестер Ситидің» жастар командасын басқарған. 2022 жылдың шілдесінен бастап ол Хосеп Гвардиоланың көмекшісі болған. «Лестерде» ол Дин Смитті алмастырады.

«Лестер» өткен маусым қорытындысы бойынша Чемпионшипке түсіп қалды. «Түлкілер» жаңа маусымға дайындықты 3 шілдеде бастайды.