Данил Устименко: Мұндай қолдау бізді тек алға жетеледі
![Данил Устименко: Мұндай қолдау бізді тек алға жетеледі](https://prosports.kz/upload/news/content//202305/201131_a4cf8f98345b2a2a18cedaad7f122b93.jpg?v=28649132)
«Қайраттың» қақпашысы клубтың баспасөз қызметіне берген сұхбатында Қазақстан OLIMPBET-Чемпионатының 9-туры аясындағы «Ақтөбеге» (2:1) қарсы ойын туралы пікір білдірді.
– Данил, маңызды жеңістерің құтты болсын! Ойын туралы айта кетсең.
– Құттықтағаныңа рақмет! Мінез бен табандылық танытып, соңғы ысқырық естілгенше дейін күрестік. Бұл жеңісті досымыз әрі клубтасымыз Арсен Буранчиевке арнаймыз. Ол үшін бәріміз алаңдаймыз және оның тезірек сауығып кетуіне тілектеспіз!
– Бапкерлер штабы үзілісте не деді?
– Бапкерлер штабы бізді жігерлендіріп, «Ақтөбені» жеңе алатынымызды айтты. Бірінші болып жіберіп алған кезде де, мен жеңетінімізге сендім.
– Сендер чемпионатта алғаш рет осындай атмосферада ойнадыңдар. Бұл алаңда қалай сезілді?
– Стадионды толтырып, матч бойы бізді қолдаған жанкүйерлерімізге рақмет. Атмосфера керемет болды! Мұндай қолдау бізді тек алға жетеледі.