Әлімханұлы жекпе-жек алдындағы көз түйістіру рәсімінен кейін мәлімдеме жасады

WBO тұжырымы бойынша орта салмақтағы әлем чемпионы Жәнібек Әлімханұлы (13-0, 8 КО) канадалық Стивен Батлерге (32-3-1, 26 КО) жекпе-жегі алдында мәлімдеме жасады, деп жазады Prosports.kz.

«Жолбарыстың жүрегіне жерік болған аналар мен қасқыр мінез әкелердің ұрпағымын! Әрине, қарсыластың көзге тіке қарағысы келмейтіні түсінікті. Ертең Құдай қаласа, тарихтың жаңа парағын жазамыз!». – деп жазды боксшы.

Айта кетейік, Әлімханұлы мен Батлер арасындағы жекпе-жек Қазақстан уақытымен 14 мамыр күні таңертең Стоктон қаласында (Калифорния, АҚШ) өтеді.