Тағы да нокдаун. Санжар Тәшкенбай қарсыласын аямады

Қазақстандық Санжар Тәшкенбай бокстан Ташкенттегі (Өзбекстан) әлем чемпионатының ширек финалында жеңіске жетті, деп хабарлайды Prosports.kz.

48 келіге дейінгі салмақта Санжар жапониялық Казума Аратакені сенімді жеңді. Төрешілер 5:0 есебін тіркеді. Қазақстандық боксшы бірінші раундта қарсыласын нокдаунға түсірді.

Енді жартылай финалда Тәшкенбай Эдмонд Худоян (Ресей) - Вуттичай Юрачай (Таиланд) жекпе-жегінің жеңімпазымен кездеседі.