Ресми: Рохус Шох ҚФФ вице-президенті болып тағайындалды

Қазақстан футбол федерациясының құрылымында кадрлық өзгеріс болды, деп хабарлайды Prosport.kz сайты ҚФФ-ға сілтеме жасап.

Шох Рохус Рохусович Қазақстан футбол федерациясының вице-президенті қызметіне тағайындалды. Ол кәсіпқой футболды, соның ішінде Жастар футбол лигасы – QJ League дамытуға жауапты болады.

Айта кетейік, 2022 жылдың ақпан айынан бастап Рохус Шох Қазақстан кәсіпқой футбол лигасының президенті қызметін атқарған.