Жәнібек Әлімханұлы бокстан Қазақстан құрамасына үндеу жасады
![Жәнібек Әлімханұлы бокстан Қазақстан құрамасына үндеу жасады](https://prosports.kz/upload/news/content//202305/472_e7bc80067b7de11ae78942b8b5d4c556.jpg?v=28753220)
Орта салмақтағы WBO нұсқасы бойынша әлем чемпионы Жәнібек Әлімханұлы Ташкентте өтіп жатқан әуесқойлар арасындағы әлем чемпионатында бақ сынап жатқан Қазақстан ерлер құрамасына үндеу жасады, деп хабарлайды Prosports.kz.
«Сәттілік, бауырларым», - деп жазды 30 жастағы спортшы Твиттердегі парақшасында.
Еске салайық, Жәнібек Әлімханұлы 2013 жылы Алматыда өткен әуесқойлар арасындағы әлем чемпионатында 75 келіге дейінгі салмақ дәрежесінде алтын медаль жеңіп алған болатын. Сондай-ақ ол әуесқой арасында Азия чемпионы (2013) және Азия ойындарының жеңімпазы (2014) атанған.
Фото instagram.com/janibek_alimkhanuly