Шайбалы хоккейден әлем чемпионатына қатысатын Қазақстан жасөспірімдер құрамасы анықталды
![Шайбалы хоккейден әлем чемпионатына қатысатын Қазақстан жасөспірімдер құрамасы анықталды](https://prosports.kz/upload/news/content//202304/201131_18e2735dc61117ca6e36da915182ec4f.jpg?v=28674513)
Францияның Анже қаласында жасөспірімдер арасында өтетін 1А дивизионында әлем чемпионатына қатысатын қазақстандық хоккейшілер белгілі болды, деп хабарлайды ҚазАқпарат тілшісі.
Топ-дивизионға берілетін жалғыз жолдамаға қазақстандық хоккейшілер Франция, Жапония, Дания, Венгрия және Украинамен сарапқа салады.
Ел құрамасының бапкерлері әлем чемпионатына қатысатын 23 хоккейшіні нақтылады. Олардың қатарында 3 қақпашы мен 20 ойыншы бар.
Ел құрамасының капитаны міндетін Семен Симонов атқарады. Оған Асанали Русланұлы мен Глеб Решетько көмекшілік жасайды.
Қақпашылар: Владимир Истомин, Владимир Никитин (екеуі де – «Барыс», Астана), Руслан Кәкенов («Ястребы», Орал)
Қорғаушылар: Роман Большедворский, Аслан Жүсіпбеков, Глеб Решетько, Даниал Шақшақбаев (барлығы - «Барыс»), Александр Ким («Эссет», Финляндия) Бейбарыс Оразов («Астана») Рахат Оспанов (Онтарио хоккей академиясы, Канада)
Шабуылшылар: Арыстан Әмірханов, Артур Гросс, Кирилл Канкин, Владимир Корчагин, Егор Левковец, Денис Леута, Кирилл Ляпунов, Александр Мигунов, Асанәли Русланұлы, Семен Симонов, Никита Ситников (барлығы - «Барыс», Астана) Әділ Бейсембаев («Астана»), Дәулет Нұркенов («Эссет», Финляндия).
Қазақстандық жасөспірімдер құрамасы 23 сәуірде Венгриямен кездессе, 24 сәуірде Жапониямен ойнайды. Ал 26 сәуірде Дания, 27 сәуірде Украина, 29 сәуірде Франциямен шеберлік байқасады.