Қазақстандық гимнастшылар Ташкентте өткен Әлем кубогында екі медаль жеңіп алды
Ташкентте өткен көркем гимнастикадан Әлем кубогында Қазақстан құрамасы екі жүлдеге ие болды. Спортшыларымыз командалық жарыста күміс және қола медаль жеңіп алды, деп хабарлайды Prosports.kz тілшісі Zakon.kz сайтына сілтеме жасап.
Қазақстандық көркем гимнастшылар шығыршық жаттығуының финалында 28,15 ұпаймен екінші орынға ие болды. Қазақстан құрамасы сапында Айдана Шаяхметова, Әсел Шүкірбай, Аяулым Қадір, Аружан Қасенова, Аружан Қалсаева, Ақсұңқар Әбдірахман өнер көрсетті.
Алтын медаль Қытай елінен келген жеңіл атлеттерге бұйырды. Олар 33,40 ұпайға ие болған еді. Қола өзбекстандық гимнастшылардың еншісінде кетті (27,95 ұпай).
Сондай-ақ біздің команда лента, доп жаттығуларында 26,15 ұпай жинап, қола жүлдегер атанды.
