«Тобыл» шабуылшысы «Астанаға» қарсы ойын туралы пікірін айтты

«Тобыл» шабуылшысы Серж Дебле «Астанамен» өткен ойын (0:1) туралы пікір білдірді, деп хабарлайды Prosports.kz сайты клубтың баспасөз қызметіне сілтеме жасап.

– Ойын қарқыны жоғары болды, біз өз футболымызды ойнадық. Бірінші таймды жақсы өткіздік, өкінішке қарай, кей сәттерді жүзеге асыра алмадық. Екінші тайм тең дәрежеде өткенімен, қонақтардың жолы болды.

Өз алаңымызда жанкүйер үміті ақтай алмағанымызға қатты қапалымыз. Әрқашан бізбен бірге болған жанкүйерлерге рақмет, қолдауларыңызды сезініп жүрміз. Қолдауларыңыз бізге күш береді және алға жетелейді.