Хорхе Масвидаль спорттан кететінін мәлімдеді

Аты аңызға айналған UFC файтері Хорхе Масвидаль UFC 287-нің екінші маңызды жекпе-жегінде бразилиялық Гилберт Бернстен жеңілгеннен кейін спорттан кететінін мәлімдеді, деп хабарлайды Prosports.kz.

«Мен еңбек жолымды осы жерден бастадым. 20 жылдан астам уақыт өтті, 50-ден астам жекпе-жек өтті. Қазір октогонға кіргенде бұрынғыдай сезім жоқ. Арада 20 жыл өтті. Мен сендердің барлықтарыңызды жақсы көремін. UFC 20 жыл арманға жетуге шабыттандырды.

Бұл спортты жақсы көремін. Мен мультимиллионермін. Спортпен қоштасатын кез келді», - деді 38 жастағы қоштасу сөзінде.