Андрей Филипповичтің голы наурыз айында үздік деп танылды

Қазақстанның кәсіпқой футбол лигасы 2023 жылғы маусымның наурыз айындағы ең үздік голын анықтау мақсатымен жанкүйерлер арасында сауалнама ұйымдастырды.

Жанкүйерлердің таңдауына өткен айда OLIMPBET-Чемпионаты аясында соғылаған 7 гол ұсынылды.

Сауалнама қорытындысы бойынша «Ақтөбе» шабуылшысы Андрий Филиповичтің 3-турда «Астана» қақпасына соғылған екінші голы наурыз айының үздігі болып танылды. Аталмаш голға респонденттердің 69,8 % өз дауыстарын берді.

Екінші орынды «Қайрат» командасының жартылай қорғаушысы Еркебұлан Сейдахметтің «Ақсу» қақпасына соғылған голы (17,53% дауыс) иеленді.

Үздік үштікке «Қайраттың» шабуылшысы Артур Шушеначевтің (6,1% дауыс) орындауындағы «Каспий» қақпасына бағытталған нәтижелі соққы кірді.