Асу Алмабаев UFC-мен келісімшартқа отырғанын растады
Қазақстандық файтер Асу Алмабаев аралас жекпе-жектен әлемдік көшбасшы промоушен -UFC-мен келісімшартқа отырғанын жариялады. Осылайша Жамбыл облысының 29 жастағы тумасы Қазақстанның осы ұйымдағы бесінші өкілі болды, деп хабарлайды Zakon.kz.
Асу Алмабаев Zulfikar деген лақап атпен өз мансабын 2013 жылы бастады және осы уақыт аралығында ол 19 жекпе-жек өткізіп, оның 17-сінде жеңіске жетті, жеңілісі - екеу. Отандасымыз бұл жеңістерінде ACB, Alash Pride, Fight Nights Global, Naiza, M-1 және Brave CF ұйымдары алаңында көрсеткен өнері кезінде қол жеткізді.
Brave CF Азия промоушенінде Асу Алмабаев 2022 жылдың үздік файтері атанды.
