Қазақстандық боксшылардың WBA рейтингіндегі орны белгілі болды

Дүниежүзілік бокс қауымдастығы (WBA) барлық салмақ дәрежесіндегі рейтингісін жаңартты, деп хабарлайды Prosports.kz.

Қазақстандық боксшылардың рейтигтегі орны мынадай:

Аса ауыр салмақта қазақстандық боксшы Иван Дычко 15-орында тұр. Бұл салмақта WBA титулының иегері Александр Усик.

Бірінші ауыр салмақта төртінші орында тұрған Қамшыбек қоңқабаев рейтингтен шығып қалды, Серік Мұсәділов 15-орынға тұрақтады. Бұл салмақта чемпион - франциялық Арсен Гуламирян.

Супер орта салмақта жерлесіміз Бек Нұрмағанбет тоғызыншы орыннан сегізінші орынға көтерілді. Бұл салмақтағы супер чемпион - мексикалық Сауль Альварес.

Орта салмақтағы чемпион Геннадий Головкин. Уақытша чемпион атағы кубалық Эрисланди Лараға тиесілі.

Екінші жартылай жеңіл салмақта Сұлтан Зәуірбек пен Бекман Сойлыбаев сәйкесінше 12 және 13-орындарды сақтап қалды. Бұл салмақта «Супер чемпион» жоқ.

Евгений Павлов екінші жеңіл салмақта бір саты төмендеп, алтыншы орынға жайғасты. Бұл салмақта чемпионы - өзбекстандық Муроджон Ахмадалиев.