«Қайсар» молдовалық қақпашыны қатарға қосты

«Қайсар» футбол клубы молдовалық қақпашы Степан Сикачпен келісімшартқа отырды, деп хабарлайды Prosports.kz.

Бұл туралы қызылордалық клубтың баспасөз қызметі хабарлады.

34 жастағы қақпашы клубпен 2023 жылдың соңына дейін жарамды келсімшартқа қол қойды.

Степан Сикач мансабының көп бөлігін Ресейде «Терек», «Волгар», «Торпедо» және «Афипс» сынды командаларда өткізді. Ол бұдан бөлек Грузияның «Колхети», «Самтредия» және «Динамо» клубтарында да өнер көрсетті.

Сикач 2022 жылғы маусымда оралдық «Ақжайық» сапында 19 матчқа қатысып, қақпасына 25 гол өткізіп алды.