WTA рейтингісі: Қазақстандық теннисшілердің орны анықталды

Әйелдер теннис қауымдастығы (WTA) жеке және жұптық сындағы рейтингтің жаңарған нұсқасын жариялады, деп хабарлайды Prosports.kz.

Әлемнің бірінші ракеткасы өзгерген жоқ – польшалық Ига Швёнтек. Екінші орында беларусьтік Арина Соболенко тұр, ал үздік үштікке америкалық Джессика Пегула енді.

Қазақстандық теннисші Елена Рыбакина оныншы сатыда қалды. Юлия Путинцева 3 позиция төмендеп, 46-орынға жайғасты.

Жұптық сында қазақстандық Анна Данилина 25-орынды сақтап қалды. Рыбакина бір саты төмен сырғып, 114-сатыға жайғасты.