Tartyl FEST Гранд-финалы қарсаңында салмақ өлшеу рәсімі өтеді
![Tartyl FEST Гранд-финалы қарсаңында салмақ өлшеу рәсімі өтеді](https://prosports.kz/upload/news/content//202302/201131_35c76451dd19844c263a9479ed6c7b61.jpg?v=28701854)
Tartyl FEST республикалық турнирінің Гранд-финалы қарсаңында салмақ өлшеу рәсімін өтеді.
Гранд-финалға өңірлік іріктеу жарыстарында үздік нәтижеге қол жеткізген 170 спортшы қатысады. Қатысушылардың жас шамасы – 14 жастан 51 жасқа дейін.
2022 жылы турникке тартылу бойынша сайыс Қазақстанның 20 қаласында өтіп, қатысушылар 9 салмақ дәрежесі бойынша сайысқа түсті. Тартылу саны бойынша рекорд – 50 рет тартылған Тараздық азаматқа тиесілі.
Жалпы, «Tartyl FEST» турниріне 7 мыңнан астам қазақстандық қатысты. Турнирдің ұымдастырушысы Қазақстан Республикасы Президенті жанындағы «DARA» дарындыларды қолдау қоры. Бас ақпараттық демеуші Қазақстан Республикасы Президентінің Телерадиокешені.
Гранд-финалдың жалпы жүлде қоры – 54 млн теңге. Әр салмақ дәрежесі бойынша жеңімпаз 3 млн.теңге алады, екінші орын үшін жүлде 2 млн.теңге, үшінші орын үшін – 1 млн.теңге. Сонымен қатар, Гранд-Финал чемпиондары Street Workout бойынша әлем чемпионатына Қазақстанның атынан қатыса алады.
Гранд-финал 18 ақпан күні сағат 12.00 Астана қаласында Конгресс орталығында (Экспо) өтеді.
Турнирді «Jibek joly» телеарнасы тікелей эфирде көрсетеді.