Қазақстан әйелдер құрамасы әлем Кубогында күміс жүлдеге ие болды
![Қазақстан әйелдер құрамасы әлем Кубогында күміс жүлдеге ие болды](https://prosports.kz/upload/news/content//202302/201131_1209c017270bbd806d504598ee9624d8.png?v=28702228)
Индонезия астанасы Джакартада винтовка және тапаншамен нысана көздеуден Әлем Кубогының кезеңі өтіп жатыр. Бүгін Ұлттық құрама қоржынына 9-медаль түсті.
Әйелдер арасында кіші калибрлі винтовкадан 50 метр қашықтықта нысана көздеуде Қазақстан құрамасы күміс жүлдегер атанды. Арина Алтухова, Александра Ле мен Елизавета Безрукова үштігі финалда Швейцария құрамасына 17-15 есебімен есе жіберді.
Жалпы Джакартадағы бәсекеге 15 қазақстандық спортшы аттанды. Олардың бәрі Әлем Кубогі қарсаңында 10-26 қаңтар аралығында Кувейтте өткен оқу-жаттығу жиынына қатысқан. Әлем Кубогі 7 ақпанда мәресіне жетеді.