Касилья: «Реалмен» бірге табысқа жететін менің кезегім келді»

Мадридтік «Реалдың» жаңа ойыншысы Кико Касилья «корольдік клуб» сапында табысқа жететін оның кезегі келгенін мәлімдеді, деп хабарлайды «PROСПОРТ».

«Касильяс «Реалдағы» өз кезеңін аяқтады, оған барлық жақсылықты тілеймін. Ал енді «Реалмен» бірге табысқа жететін менің кезегім келді. Менің ойымша, клубтан оның тарихындағы ең үздік қақпашы мен аңызға айналған адам кетіп қалды. Қашан да салыстыратыны анық, бірақ мен ондай қысымдарға үйреніп қалдым», - деді Касилья.