Еуропаның үздік футболшысы атағын кім алады?

Еуропалық футбол қауымдастығының одағы 2014/2015 жылғы маусымның қорытындысы бойынша Еуропаның үздік ойыншысы атағына таласатын футболшылардың тізімін жариялады, деп хабарлайды «PROСПОРТ».

Кандидаттар тізімі: Эден Азар (Бельгия, «Челси»), Джанлуиджи Буффон (Италия, «Ювентус»), Артуро Видаль (Чили, «Ювентус»), Лионель Месси (Аргентина, «Барселона»), Неймар (Бразилия, «Барселона»), Андреа Пирло (Италия, «Ювентус» және «Нью-Йорк Сити»), Поль Погба (Франция, «Ювентус»), Криштиану Роналду (Португалия, «Реал»), Луис Суарес (Уругвай, «Барселона»), Карлос Тевес (Аргентина, «Ювентус» және «Бока Хуниорс»).

12 тамызда осы тізімнен үш ойыншы қалып, нәтижесінде соның біреуі жеңімпаз атанады. Жүлде иегері 28 тамызда Монакода белгілі болмақ.