«Тоттенхэм» бапкері Моураның жазда клубтан кететінін растады
![«Тоттенхэм» бапкері Моураның жазда клубтан кететінін растады](https://prosports.kz/upload/news/content//202301/472_f5afac7a39e6295caf1b052f2d4eced4.jpg?v=28704145)
Бас бапкер Антонио Конте жартылай қорғаушы Лукас Моура маусымның соңында «Тоттенхэмнен» еркін агент ретінде кететінін мәлімдеді, деп хабарлайды Prosports.kz.
- Бұл клубтың шешімі, оның келісімшарты ұзартылмайды. Осы маусым Лукас үшін қиын болды. Маусымға дайындалған кезде Лукас біз үшін маңызды ойыншы болды», - деп келтіреді Контенің сөзін журналист Фабрицио Романо Твиттерде.
Моура «Тоттенхэмге» 2018 жылы франциялық «Пари Сен-Жермен» командасынан ауысты. Бразилиялық жартылай қорғаушы «Тоттенхэм» сапында 213 матч өткізіп, 38 гол соғып, 27 нәтижелі пас берді. Осы маусымда 30 жастағы футболшы 11 матч өткізіп, нәтижелі әрекеттермен көзге түспеді.