Ұлан Қонысбаев: «Исламханның ойыны жақсара түсті»

Алматылық «Қайраттың»ойыншысы Ұлан Қонысбаев жаңа командасындағы алғашқы ойыны туралы айтып берді, деп хабарлайды «PROСПОРТ».

 

«Бәрін жеңіспен құттықтаймын! Бүгін алаңға шыққаныма қуаныштымын. Маған қолдау көрсеткен командаға рахметімді айтамын», - деді Қонысбаев.

 

- Командаға көмектесуге дайынсыз ба?

 

- Әзіге бабыма келіп жатырмын. Көп уақыт ойнаған жоқпын. Әрине, дайынмын.

 

- Чемпиондар Лигасын Еуропа Лигасына айырбастағаныңызға өкінбейсіз бе?

 

- Еш өкініш жоқ. Футболшының өмірі осындай. Бәрі де болады.

 

- «Таразда» Исламханмен бірге ойнаған едіңіз. Содан бері қаншалықты өзгеріпті?

 

- Негізі ол кезде Исламхан қосалқы командада ойнаған болатын. Әрине, қатты өзгерген, ойыны жақсара түскен.