Абдуллин садақ атудан Азия кубогы кезеңінде алтын медаль алды

Садақ атудан Қазақстан құрамасының өкілі Ильфат Абдуллин Шарджада (БАӘ) өтіп жатқан Азия кубогының үшінші кезеңінде жеңіске жетті, деп хабарлайды Prosports.kz.

Ол классикалық садақ атудан үздік атанды. Сондай-ақ қазақстандық садақшылар командалық есепте үшінші орын алды.

Сондай-ақ аралас командалық сында Қазақстан құрамасы күміс, ал әйелдер арасындағы командалық жарыста қола медаль алды.