Артем Антропов ауыр атлетикадан Әлем чемпионатында алтыншы болды

Қазақстандық Артем Антропов Боготада (Колумбия) өткен ауыр атлетикадан әлем чемпионатында алтыншы орын алды, деп хабарлайды Prosports.kz тілшісі Olympic.kz сайтына сілтеме жасап.

Ол елді 102 келіге дейінгі салмақ дәрежесінде таныстырды. Қоссайыс қорытындысы бойынша Антропов 385 (163+222) келі көтерді.

Айта кетейік, қазіргі уақытта Қазақстан командасының активінде екі медаль бар. Алексей Чуркин «қоланы», ал Нұрғиса Әділетұлы «күмісті» жеңіп алды.