Ривалдо үлкен футболға қайта оралды

43 жастағы бразилиялық Ривалдо кәсіби мансабын қайта бастап, алғашқы матчын өткізіп үлгерді, деп хабарлайды «PROСПОРТ».

Бразилия құрамасымен бірге 2002 жылы әлем чемпионы атанған атақты футболшы  «Можи Мирим» сапында алаңға шығып, 68 минут өнер көрсетті. Ривалдо намысын қорғайтын клуб «Наутиконы» 2:1 есебімен жеңді.   

Ривалдо «Можи Миримнің» президенті ретінде қызмет атқарады. Жақында ол спорттық мансабын қайта бастағысы келетінін жеткізген болатын. Айтпақшы, «Можи Мирим» сапында бразилиялық футболшының ұлы Ривалдиньо да өнер көрсетеді.