«Астана» Чемпиондар лигасында жаңа жейдемен ойнайды
![«Астана» Чемпиондар лигасында жаңа жейдемен ойнайды](https://prosports.kz/upload/news/content/file_1436354328_360139604.jpg?v=28709189)
Футболдан жаңа маусымдағы Чемпиондар лигасында ел намысын қорғайтын «Астана» футбол клубының ойыншылары жаңа жейдемен өнер көрсететін болды. Бұл туралы клубтың ресми сайты хабарлап отыр.
- Елордалық клуб Чемпиондар лигасының сырт алаңда және өз алаңында өтетін ойындарына жаңа жейдемен шығатын болады, - делінген ресми сайт хабарламасында. Клуб ойыншылары жаңа жейделерін кеше өткен оқу-жаттығу жиындары барысында таныстырды.
Айта кетейік, Стонимир Стойлов жаттықтыратын «Астана» клубы Чемпиондар лигасын екінші іріктеу кезеңінен бастайды. Отандастарымыздың қарсыласы - «Марибор» (Словения). Қос клуб арасындағы бірінші ойын 14 шілдеден 15 шілдеге қараған түні Мариборда өтсе, қарымта кездесу араға бір апта сала Астанада жалғасын табады. Бірінші ойынды «Қазақстан» арнасы тікелей эфирде көрсететін болады.