Екатерина Аидова 4 құрлық чемпионатының Қазақстан қоржынына 6-жүлдені салды

Канаданың Квебек қаласында конькимен жүгіруден ІІІ рет ұйымдастырылған 4 құрлық чемпионаты аяқталды.

Соңғы жарыс күні Екатерина Аидова 1000 метрге жарыста күміс жүлдегер атанды. Екатеринаның көрсеткіші 1:16:191 секунд. Осылайша, ол осы 4 құрлық чемпионатындағы 2-медалін мойнына тақты. Кеше қазақстандық спортшы 1500 метрде отандасы Надежда Морозоваға есе жіберіп, күміс алған.

Бұл қашықтықта (1000 м) оңтүстік кореялық Мин Сон Ким (1:16:066) топ жарып, Квебектегі 2-алтынына (алдын 500 метрде) қол жеткізді. Үздік үштікті канадалық Беатрис Ламарш (1:17:393) түйіндеді.