Месси: «Сауд Арабиясынан жеңілгеннен кейін ұлым Матео стадионнан жылап кетті»

Аргентина құрамасының капитаны Лионель Месси альбиселесте әлем чемпионатында Сауд Арабиясынан жеңіліп қалғаннан кейін ұлы жылағанын айтты, деп хабарлайды Prosports.kz.

Аргентина әлем чемпионатының алғашқы матчында араб футболшыларынан 1:2 есебімен жеңіліп қалған.

Мессидің ұлы 7 жастағы Матео осы ойыннан кейін көзіне жас алған.

«Бірінші ойыннан кейін Матео стадионнан жылап кетті. Тьяго егер қалған екі ойында жеңсек, плэй-оффқа шығатынымызды түсіндірді», - деді Месси.

Аргентина құрамасы 2-турда Мексиканы 2:0 есебімен жеңген. Ал шешуші турда Аргентина Польшамен кездеседі.