Жалғас Жұмағұлов карьерасын аяқтамайтын болды

Қазақстандық аралас жекпе-жек файтері Жалғас Жұмағұлов америкалық Чарльз Джонсоннан жеңіліп қалғанына қарамастан UFC-де қалатынын жариялады, деп хабарлайды Prosports.kz.

«Сәлем, достар, қолдауларыңыз үшін рақмет. UFC-дегі карьерамды аяқтамаймын, менде жеңіл жарақаттар бар, сауығып, тағы да жекпе-жек өткіземін», - деп келтіреді Жалгастың сөзін әлеуметтік желілерде UFC парақшасы.

Еске салайық, Жалғас Жұмағұлов кейінгі жекпе-жегінде америкалық Чарльз Джонсоннан төрешілер шешімімен жеңіліп қалған болатын. Қазақстандық файтер төрешілердің үкіміне наразы болып, «бұдан былай жекпе-жек өткізгісі келмейтінін» айтқан еді.