Карпович пен Топчагич «Қайратқа» қарсы ойында алаңға шықпайды

Қарағандылық «Шахтердің» екі бірдей ойыншысы келесі турда командасына көмектесе алмайды, деп хабарлайды «PROСПОРТ».

«Ертіске» қарсы қонақтағы кездесуде Андрей Карпович тәртіп бұзып, маусымдағы төртінші сары қағазын иеленгендіктен келесі турда алаңға шықпайды. Сондай-ақ, кеншілердің босниялық шабуылшысы Михрет Топчагич аталған ойында қызыл қағаздың авторы атанды. Қос футболшы 18-ші турдағы «Қайратпен» өтетін кездесуде командаларына көмектесе алмайды.