Әбиба Әбужақынова Grand Slam турнирінің ширек финалына жолдама алды

Қазақстандық дзюдошы Әбиба Әбужақынова Абу-Дабиде (БАӘ) өтіп жатқанGrand Slam турнирін сәтті бастады, деп хабарлайды Prosports.kz.

48 келіге дейінгі салмақтағы жарыстың бірінші айналымында Әбиба вьетнамдық Хоангой Тхи Тиньді жеңді. Екінші айналымда румыниялық дзюдошы Александра Попты жеңіп, турнирдің ширек финалына жолдама алды.

Әбужақынованың ширек финалдағы қарсыласы испаниялық дзюдошы, әлем және Еуропа чемпионаттарының жүлдегері Хулеа Фигероамен кездеседі.