Абу-Дабидегі Үлкен Дулыға бәсекесіне қатысатын қазақстандық дзюдошылар анықталды
21-23 қазан аралығында Біріккен Араб Әмірліктерінің Абу-Даби қаласында өтетін Үлкен Дулыға додасында 65 елдің 420 дзюдошысы сынға түседі. Соның ішінде бақ сынайтын қазақстандық татами шеберлері мыналар:
Ерлер құрамасы – Бауыржан Нарбаев (-60 кг), Шерзод Давлатов (-60 кг), Ермек Амангелді (66 кг), Есет Куанов (-66 кг), Данияр Шамшаев (-73 кг), Аңсарбек Ғайнулин (-73 кг), Абылайхан Жұбаназар (-81 кг), Дидар Хамза (-90 кг), Ерсұлтан Мұзаппаров (-90 кг), Нұрлыхан Шархан (-100 кг), Бекарыс Сәдуақас (-100 кг), Ерасыл Қажыбаев (+100кг).
Әйелдер құрамасы – Абиба Әбужақынова (-48 кг), Ғалия Тынбаева (-48 кг), Толғанай Әбеуова (-52 кг), Дана Әбдірова (-57 кг), Эсмигүл Куюлова (-63 кг), Самалай Ерғалиева (-63 кг), Анастасия Маякова (-70 кг), Назерке Тілеуханова (-78 кг) Камила Берліқаш (+78кг), Аруна Жангельдина (+78кг).
Осыдан кейін келесі Үлкен Дулыға кезеңін Әзірбайжан астанасы Баку 4-6 қараша аралығында қабылдайды.
