«БИІК-Шымкент» Қазақстан чемпионатының жеңімпазы атанды

«БИІК-Шымкент» футболдан әйелдер командалары арасында 2022 жылғы Қазақстан чемпионатының жеңімпазы атанды, деп хабарлайды Prosports.kz сайты ҚФФ-ға сітлеме жасап.

Шымкенттік команда 11 дүркін ел чемпионы болып отыр.

Ел чемпионаты аясындағы «Ордабасы» – «Шахтер» матчының үзілісінде марапаттау рәсімі өтті. Салтанатты шараға Қазақстан футбол федерациясының президенті Әділет Барменқұлов қатысты.

Чемпионат қорытындысы бойынша үздік ойыншылар анықталды:

Үздік қақпашы – Оксана Железняк («БИІК-Шымкент»);
Үздік қорғаушы – Анастасия Власова («Оқжетпес»);
Үздік жартылай қорғаушы – Бибігүл Нұрышева («Томирис-Тұран»);
Үздік ойыншы – Гүлнара Габелия («БИІК-Шымкент»);
Үздік сұрмерген – Мари Жизель Нга Манга – 42 гол («Оқжетпес»).

Қазақстан футбол федерациясы шымкенттік команданы жеңімпаз атануымен құттықтайды!