Марко ван Бастен Неймарды жылауық деп атады

«Аякс», «Милан» мен Нидерланды құрамасының бұрынғы шабуылшысы Марко ван Бастен «ПСЖ» шабуылшысы Неймарды сынға алды, деп хабарлайды Prosports.kz тілшісі Сhampionat.com сайтына сілтеме жасап.

«Неймар - нағыз жылауық, ол үнемі арандатып жүреді. Бір секундта ол біреуді ренжітеді, ал келесіде ол өзін құрбан ретінде көрсетеді. Оған қол тигізуге болмайды. Алаңдағы жағымсыз адам», - деп келтіреді ван Бастеннің сөзін The Sun.

Неймар осы маусымда 13 ойынға қатысып, 9 гол соғып, 7 нәтижелі пас берген.

Бразилиялық шабуылшы «ПСЖ» сапында 2017 жылдан бері ойнап келеді. Ойыншының клубпен келісім шарты 2025 жылға дейін есептелген. Transfermarkt порталы футболшының құнын 75 миллион еуроға бағалайды.