Тимофей Скатов алғаш рет «Челленджер» санатындағы турнирде топ жарды

Қазақстандық теннисші Тимофей Скатов спорттық мансабында алғаш рет Челленджер сериясы турнирінің жекелей сында жеңімпаз атанды, деп хабарлайды Prosports.kz.

Италияның Парма қаласындағы турнирдің финалында Скатов (әлемнің 209-шы ракеткасы) Словакия өкілі Йозеф Коваликті 7-5, 6-7, 6-4 есебімен ұтты.

Матч 3 сағат 8 минутқа созылды.

Еске салайық, бұл қазақстандық үшін өзінің мансабындағы Челленджердің екінші финалы. 2021 жылдың маусым айында Тимофей Скатов Алматыда өткен ATP Challenger Tour турнирінің финалында ұтылған еді.