«Манчестер Сити» 18 миллионға қорғаушы сатып алды

Дортмундтық «Боруссияның» қорғаушысы Мануэль Аканджи «Манчестер Ситиге» ауысады. Тараптар 18 миллион еуроға ауысуға келісті.

Инсайдер Николо Шираның айтуынша, келісімшарт 2027 жылдың жазына дейін жасалады. Ресми түрде мәміле медициналық тексеруден өткеннен кейін жарияланады.

Бұған дейін 27 жастағы Аканжи швейцариялық «Винтертур» және «Базель» командаларында өнер көрсеткен. Швейцариялық қорғаушы 2018 жылдың қаңтарында Дортмундтың «Боруссиясына» ауысты.