Хабиб Нурмагомедов жыл соңында Қазақстанда үлкен турнир өткізеді

Eagle FC ұйымы жыл соңында Қазақстанда тағы бір турнир өткізеді. Бұл туралы ұйымның иесі Хабиб Нурмагомедов мәлімдеді.

Оның сөзінше, Eagle FC турнирі желтоқсан айына жоспарланған. Кештің басты жекпе-жегінде ұйымның чемпионы, тәжік спортшысы Фарудин Одилов пен қазақстандық Дәурен Ермеков жұдырықтасады.

Естеріңізге сала кетейік, 21 тамызда Нұр-Сұлтан қаласындағы Barys Arena кешенінде Eagle FC 50 турнирі өтеді.

Кештің басты жекпе-жегінде қазақстандық Дияр Нұрғожай мен ресейлік Константин Андрейцев жартылай ауыр салмақтағы бос чемпиондық белбеуді сарапқа салады.

Екінші айқаста жартылай ауыр салмақтағы бос чемпиондық белбеу үшін екі ресейлік спорты - Азамат Джигкаев пен Имам-Шапи Мухтаров жұдырықтасады.