Головкин «Канеломен» спарринг өткізген кезі туралы айтты

WBA Super, IBF және IBO тұжырымдары бойынша орта салмақтағы әлем чемпионы Геннадий Головкин The Sun басылымына берген сұхбатында Биг Бэар лагерінде мексикалық Сауль Альвареспен спарринг өткізгені туралы естелігін айтып, онымен қарым-қатынасы кейін неге нашарлағанын түсіндірді, деп жазады Prosports. kz.

Головкин мен Канело спарринг өткізген кезде қазақстандық боксшы 28 жаста, ал мексикалық 20 жаста болыпты.

«Ол кезде біз өте жақсы спарринг-сессиясын өткіздік. Спарринг өте қызықты болды. Біздің қарым-қатынасымыз жақсы болды. Бірақ кейін ол өзін тым жоғары санай бастады. Қазір ол үлкен жұлдыз, оның атаққа ұмтылатыны біздің қатынасымызға жанама әсер еткен секілді», - деді Головкин.