«Қайраттың» қарсыласы «Бенфикамен» жолдастық кездесу өткізеді

«Қайрат» футзал клубының Чемпиондар лигасының негізгі кезеңіндегі қарсыласы бельгиялық «Андерлехт» Португалияның «Бенфикасымен» жолдастық матч өткізеді, деп хабарлайды Prosports.kz.

Кездесу 3 қыркүйекте брюссельдік клубтың алаңында өтеді.

Айта кетейік, «Андерлехт» биыл қатарына «Бенфиканың» екі бразилиялық ойыншысы – қақпашы Диего Ронкальо («Қайрат» АФК-да ойнаған) және шабуылшы Фитсті қосты.