Жеңіл атлет Михаил Литвин Қазақстан рекордын орнатты

Қазақстандық жеңіл атлет Михаил Литвин 400 метрге жүгіруде ел рекордын орнатты, деп хабарлайды Prosports.kz тілшісі Olympic.kz сайтына сілтеме жасап.

Қазіргі уақытта спортшы Түркияда өтіп жатқан Ислам ынтымақтастық ойындарына қатысуда. Алдын ала жүгіруде Литвин 400 метрді 44.94 секундта бағындырды. Бұл нәтиже Қазақстанның жаңа жоғары жетістігі саналатын болды.

Айта кету керек, спортшы 45.25-ке тең болатын өз рекордын жаңартты.