Мәнерлеп сырғанаудан екі дүркін Олимпиада чемпионы мансабын аяқтады
![Мәнерлеп сырғанаудан екі дүркін Олимпиада чемпионы мансабын аяқтады](https://prosports.kz/upload/news/content//202207/203991_571c8c8950be168d4d6fd2a768811e53.jpg?v=28753167)
Жапониялық мәнерлеп сырғанаушы Юдзуру Ханю мансабын аяқтайтынын мәлімдеді, деп хабарлайды Prosports.kz.
Бұл шешімін арнайы баспасөз мәслихатында жариялады.
Ханю ерлер арасындағы жекелей сында екі дүркін Олимпиада чемпионы, Сочи-2014 және Пхенчхан-2018 ойындарында жеңіске жеткен, 2022 жылы Бейжің ойындарында 4-орын алды.
Жапон спортшысы әлем чемпионатын екі рет жеңіп алды. Әлем чемпионатында жалпы 7 медаль (2-3-2) алған. Ханю – жарыста төрттік циклді орындаған тарихтағы бірінші мәнерлеп сырғанаушы.