«Жеңіс бар жерде әрқашан жеңіліс болады»
29 шілдеде Алматыда OCTAGON лигасының кезекті ивенті өтеді.
O33 турнирінің басты жекпе-жегінде жеңіл салмақтағы ұйымның бос чемпиондық белбеуіне Нұрбек Тәжібаев (5-1) пен Мәжит Сардаров (4-0) күш сынасады.
Prosports.kz тілшісі шымкенттік файтер Нұрбек Тәжібаевпен хабарласып, алдағы чемпиондық мүмкіндігі туралы пікірін білді.
– Нұрбек, сізге жеңіл салмақта лиганың чемпиондық белбеуі үшін таласуға мүмкіндік бұйырды. Бұл сізге тосынсый болды ма?
– Жоқ, біз бұл жекпе-жекті күттік, өйткені біздің мақсатымыз OCTAGON лигасының белбеуін жеңіп алу болатын.
– Қарсыласыңыз Мәжит Сардаров болады. Ол туралы не білесіз және сіздің ойыңызша ол қаншалықты мықты?
– Қарсылас - жеңілмеген мықты файтер. Біз оның кейінгі жекпе-жектерін көріп, жақсы дайындалдық.
– Сіздің ойыңызша, жекпе-жектің фавориті кім?
– Бұл жекпе-жектің фаворитін атай алмаймын. Кездесуде бәрі анықталады.
– OCTAGON лигасында Достон Бозоровтан жеңіліп қалдыңыз. Кәсіпқой ретіндегі алғашқы сәтсіздіктен кейін көңіл-күйіңіз қалай болды?
– Ешқандай ренішім жоқ, өйткені жеңіс бар жерде әрдайым жеңіліс болады.
– Сол жеңілістен қандай қорытынды жасай алдыңыз?
– Жеңіліс жаттығуға көбірек уақыт бөлуім керегін анық көрсетті.
– Алдағы жекпе-жекте шешуші рольді не атқаруы мүмкін?
– Мұны тек жекпе-жекті көрсетеді.
– Қарсыласыңызға қандай тосынсыйлар дайындап жатырсыз?
– 29 шілдеде келіңіз, сонда бәрін көресіз.
– Жекпе-жек алдында Сардаровқа қандай тілек айтар едіңіз?
– Оған сәттілік тілеймін.
– ММА-да қандай міндеттер қоясыз және UFC деңгейіне жету мақсаты бар ма?
– Бүгінгі басты мақсатым – OCTAGON лигасының белбеуін жеңіп алу.
Турнирдің ресми серіктесі - 1XBET букмекерлік компаниясы.
Фото: Нұрбек Тәжібаевтың Инстаграм парақшасынан
