Қазақстан құрамасы Загребте өтетін «Grand Slam» жарысына қатысады

Дзюдодан Қазақстан Хорватияда өтетін әлемдік «Grand Slam» жарысына қатысатын отандық спортшылар тізімі белгілі болды. Бұл туралы дзюдо федерациясының ресми сайты хабарлады.

Аталған байрақты бәсеке 15-17 шілде күндері Загребте өтеді деп жоспарланған. Әлемдік рейтингтік жарысқа Қазақстан құрама сапынан 16 татами шебері қатысады.

Ерлер:

60 келі: Мағжан Шамшадин, Нұрдәулет Аманқосов

66 келі: Елдос Сметов, Алмас Ғалымов

73 келі: Ерлан Серікжанов

81 келі: Бекәділ Шаймерденов, Абылайхан Жұбаназар

90 келі: Ермахан Әнуарбеков, Ерсұлтан Мұзаппаров

100 келі: Нұрлыхан Шархан

100 келіден жоғары: Еламан Ерғалиев, Әділ Оразбаев

Әйелдер:

48 келі: Ғалия Тынбаева

52 келі: Салтанат Сұлтанбекова

57 келі: Бақыт Құссақбаева

78 келі: Аруна Жангельдина