Тоқаев Уимблдон жеңімпазы Рыбакинамен телефон арқылы сөйлесті
![Тоқаев Уимблдон жеңімпазы Рыбакинамен телефон арқылы сөйлесті](https://prosports.kz/upload/news/content//202207/201736_893bef52745ff918ba2e4b2a94020fee.jpg?v=28665735)
Президент Қасым-Жомарт Тоқаев Уимблдон турнирінің жеңімпазы Елена Рыбакинамен телефон арқылы сөйлесіп, оны тарихи жетістігімен құттықтады, деп хабарлайды Prosports.kz.
- Мемлекет басшысы Еленаның асқан шеберлігінің, жеңіске деген ерік-жігерінің және оның кортта өзін ұстау мәдениетінің жоғары екенін атап өтті.
Президент көрнекті спортшыны Қазақстан туы астында сәтті өнер көрсеткені және халықаралық аренада еліміздің абыройын асқақтатқаны үшін алғыс айтты.
Қасым-Жомарт Тоқаев Елена Рыбакинаның жарқын жеңісі Қазақстан теннисін одан әрі дамытуға, спорттың осы түріне балалардың көптеп тартылуына ықпал етеді деп санайды, – деп жазды Akorda.kz.